ಬೆಂಗಳೂರು : ಕರ್ನಾಟಕ ರಾಜ್ಯ ಮಾಧ್ಯಮಿಕ ಶಿಕ್ಷಕ ಸಂಘ ಉತ್ತರ ಜಿಲ್ಲಾ ಘಟಕದಿಂದ ದಿನಾಂಕ 21-1-2017 ರಂದು ಶ್ರೀ ಮಾತಾ ಆಂಗ್ಲಶಾಲೆ ಆರ್.ಟಿ.ನಗರದಲ್ಲಿ ಸಂಕಲ್ಪ ದಿನ ನಡೆಯಿತು. ಮುಖ್ಯ ಅತಿಥಿ ಕೃ. ನರಹರಿಯವರು ಶಿಕ್ಷಕರು ಆದರ್ಶವಾಗಿರಬೇಕು. ಸನ್ನಡತೆಯಿಂದ ಮಕ್ಕಳಿಗೆ ಮಾದರಿಯಾಗಿದ್ದು ರಾಷ್ಟ್ರಭಕ್ತಿ ಮತ್ತು ಸಂಸ್ಕೃತಿಯನ್ನು ಬೆಳೆಸಬೇಕು ಮತ್ತು ಸ್ವಾಮಿವಿವೇಕಾನಂದರ ವ್ಯಕ್ತಿತ್ವ ಆದರ್ಶಗಳನ್ನು ಅಳವಡಿಸಿಕೊಳ್ಳಬೇಕೆಂದು ಕರೆನೀಡಿದರು.

ಸಂಘದ ಕಛೇರಿಯ ಪ್ರಮುಖರಾದ ಜಿ.ಎಸ್ ಕೃಷ್ಣಮೂರ್ತಿಯವರು ಸಂಕಲ್ಪ ಬೋಧನೆಯನ್ನು ಮಾಡಿದರು. ರಾಜ್ಯದ ಖಜಾಂಚಿಗಳಾದ ಜೆ.ಎಂ ಜೋಷಿಯವರು ಪ್ರಾಸ್ತಾವಿಕ ನುಡಿಗಳನ್ನು ತಿಳಿಸಿದರು. ಜಿಲ್ಲಾ ಕಾರ್ಯದರ್ಶಿಗಳಾದ ಶ್ರೀ ಗಂಗಪ್ಪನವರು ಸ್ವಾಗತಿಸಿದರು. ಸಂಸ್ಥೆಯ ಸಂಸ್ಥಾಪಕರಾದ ಶ್ರೀ ವೆಂಕಟೇಶ್‌ರವರು ಕೃ.ನರಹರಿಯವರಿಗೆ ಗೌರವಾರ್ಪಣೆ ಸಲ್ಲಿಸಿ ಸಂಘದ ಕಾರ್ಯಕ್ರಮಗಳಿಗೆ ತಮ್ಮ ಬೆಂಬಲ ನೀಡುವುದಾಗಿ ಭರವಸೆ ನೀಡಿದರು.

ಜಿಲ್ಲಾ ಖಜಾಂಚಿಗಳಾದ ಹರಿದಾಸ್‌ರವರು ಪ್ರಾರ್ಥಿಸಿದರು. ಉತ್ತರವಲಯ ೩. ರ ಆಧ್ಯಕ್ಷರಾದ ಸಿ.ವಿ ಶಿವಕುಮಾರ್ ವಂದನಾರ್ಪಣೆ ಸಲ್ಲಿಸಿದರು.